Hvers vegna Skref fyrir skref

Skref fyrir skref er margmiðlunarefni sem gefur foreldrum barna með röskun á einhverfurófinu von. Vefsíðan er hönnuð af sérfræðingum og betrumbætt í samræmi við ábendingar frá foreldrum. Kynningarmyndbandið að ofan gefur smá innsýn í hvað Skref fyrir skref bjóða upp á. Það er mjög mikið til af upplýsingum en hvernig áttu að vita hverju þú átt að trúa og hvaða íhlutun þú átt að velja?

Hvernig áttu að velja?

Skref fyrir skref gefur sig ekki út fyrir að vera lækning við einhverfurófsröskun — heldur er það verkfæri sem aðstoðar foreldra og börn þeirra að takast á við þær áskoranir sem einhverfa hefur í för með sér.

Frásagnir um árangur Skref fyrir skref byggja ekki einungis á innantómum orðum um hversu frábært úrræðið er heldur byggja úrræðin á gagnreyndum aðferðum.

Hagnýt atferlisgreining er vísindagrein sem fjallar um hegðun. Hún veitir okkur skilning á því hvernig við lærum og verkfærin sem er hægt að nota við kennslu. Niðurstöður margra rannsókna hafa sýnt að atferlisíhlutun virkar fyrir börn með einhverfu. Í raun er hún mest rannsakaða íhlutunin fyrir einhverfu og sýnir hvað bestan árangur; enda eru einungis notaðar gagnreyndar aðferðir í íhlutuninni.

Hvers vegna að velja Skref fyrir skref ?

Þegar þú hefur uppgötvað að þú getur gert eitthvað til að hjálpa barninu þínu, viltu gera það strax. Það eru engar skjótar lausnir en þú getur tekið fyrsta skrefið í að hjálpa barninu þínu með aðstoð Skref fyrir skref kennsluefnisins sem er aðgengilegt alla daga, allan sólarhringinn.

Þú byrjar á því að læra um einhverfu, hvernig hún er metin og greind. Einnig lærir þú í hverju það felst hvað þú þarft að gera og hvers vegna.

Síðan lærir þú um hagnýta atferlisgreiningu (skoðaðu kaflann Hvað er hagnýt atferlisgreining) og hvernig þú getur nýtt þér hana til að hjálpa barninu þínu og allri fjölskyldunni. Þú getur notað þessa þekkingu til að skilja hvers vegna barnið þitt hagar sér eins og það gerir og hvað þú getur gert til þess að hafa áhrif á það. Með því að skilja hegðun barnsins og breyta þinni hegðun getur þú hjálpað því að:

• Láta þig vita hvað það þarf og vill
• Mynda nánari sambönd við fjölskyldu og vini
• Að vera hluti af og taka þátt í samfélaginu

Margir meðlimir í teyminu okkar hafa reynslu af einhverfu frá fyrstu hendi. Við vinnum einnig mjög náið með atferlissérfræðingum og foreldrasamtökunum P.E.A.T. (sem eiga fulltrúa í stjórninni okkar) og því erum við með mikinn skilning á þeim vandamálum sem þú stendur frammi fyrir.

Hvað getur Skref fyrir skref veitt mér?

Myndböndin hér að neðan gefa þér smá innsýn í svæði fyrir meðlimi Skref fyrir skref . Horfðu á þau með því að smella á deplana til að horfa á hvert myndband. Og ef þú hefur ekki gert það nú þegar, þá skaltu horfa á kynningarmyndbandið að ofan.

Myndband 1: Ráðleggingar frá atferlissérfræðingum

Myndband 2. Kennslumyndbönd sem útskýra íhlutunina á einföldu máli

Myndband 3. Myndbönd sem gefa dæmi af því hvernig aðferðunum er beitt

Myndband 4. Þjálfunarmyndbönd sem sýna hvernig á að beita aðferðunum